ನೀ..

ನೀನೆಂದರೆ-

ಹತ್ತರ ಹೊತ್ತಿನ ಖಡಕ್ ಚಾಯ್

ಇಲ್ಲದಿದ್ದರೆ ಕಿರಿಕಿರಿ

ಇದ್ದರೆ ತಣ್ಣಗಾಗುವ ಮುನ್ನ

ಎಲ್ಲ ಹೀರುವ ಬಯಕೆ

ನೀನೆಂದರೆ-

ಮಧ್ಯಾನ್ಹದ ಸುಖ ನಿದ್ದೆ

ಕಮ್ಮಿಯಾದರೆ ಕಾಡುವ ಕೊರತೆ

ಹೆಚ್ಚಾದರೆ ಮೀಟುವ ತಲೆನೋವು

ನೀನೆಂದರೆ-

ಮುಸ್ಸಂಜೆಯ ಸಿಡುಕು, ಮೌನ

ಮಾತಾದರೆ ಮುದ್ದು - ಇಲ್ಲದಿರೆ ಕಾವ್ಯ.

ಸೂಚನೆ: ಚಿತ್ರಗಳಲ್ಲಿ ಇದ್ದಿದ್ದು ನಮ್ಮನೆ ಟೇಬಲ್ಲನ್ನು ಹೊಸತಾಗಿ ಅಲಂಕರಿಸಿದ `Salt & Pepper Container'ಗಳು. ಬರೀ ಚಿತ್ರಗಳನ್ನು ಹಾಕುವುದೆಂತು? ಹಾಗಾಗಿ ಕೆಲ ಸಾಲುಗಳನ್ನೂ ಗೀಚಿದೆ :-)